Generator

Generator mexaniki enerjini elektrik enerjisinə çevirən qurğudur. Prinsip sadədir. Yanacaq yanır, mühərrik hərəkətə gəlir və bu hərəkət nəticəsində elektrik yaranır. Prosesi avtomobil mühərriki ilə müqayisə etmək olar. Orada yanacaq təkərləri hərəkətə gətirir. Burada isə eyni mexaniki hərəkət elektrik sistemini işlək vəziyyətdə saxlayır.
Generatorun daxilində iki əsas hissə var. Mühərrik və alternator. Mühərrik yanacaq hesabına fırlanma yaradır. Alternator isə həmin fırlanmanı elektrik enerjisinə çevirir. Bu proses fizikanın sadə qanunlarına əsaslanır, amma nəticəsi praktik və gündəlik istifadəyə yönəlib. Sabit işləmə üçün mühərriklə alternatorun uyğunluğu vacibdir. Güc balansı düzgün qurulmadıqda ya enerji çatışmazlığı yaranır, ya da sistem artıq yüklənir.
Generator alternativ cərəyan istehsal edir. Bu, evlərdə və sənaye obyektlərində istifadə olunan standart enerji növüdür. Məişət cihazları, işıqlandırma sistemi və bir çox avadanlıq məhz bu tip cərəyanla işləyir.
GENERATORLAR.AZ saytında generatorun nə olduğunu, necə işlədiyini, hansı növlərinin mövcud olduğunu, hansı hallarda lazım gəldiyini və seçim zamanı nələrə diqqət etməli olduğunuzu aydın şəkildə öyrənəcəksiniz.

Generator növləri

Generator seçimi ehtiyacdan asılıdır. İstifadəçi əvvəlcə qiymətə baxır, sonra gücə. Amma ilk sual başqa olmalıdır. Generator harada və nə qədər müddət işləyəcək?. Hər model hər yer üçün uyğun deyil. Evin işığını yandırmaq üçün seçilən qurğu ilə zavod xəttini işlədən qurğu eyni ola bilməz. Benzin generatorları əsasən az güc tələb olunan yerlər üçün uyğundur. Fərdi evlərdə, bağ sahələrində və ya qısa müddətli ehtiyaclarda istifadə edilir. Məsələn, kənd evində elektrik tez-tez kəsilirsə və əsas məqsəd soyuducu, işıq və bir neçə məişət cihazını işlətməkdirsə, bu tip generator kifayət edir.
Dizel generatorları daha güclü və dözümlüdür. Uzun müddət fasiləsiz işləməyə daha uyğun olur. Yanacaq sərfiyyatı daha qənaətlidir və böyük güc tələb edən avadanlıqları sabit şəkildə işlədə bilir. Amma ilk alış qiyməti adətən daha yüksək olur.
Qaz generatorları təbii qaz və ya maye qazla işləyir. Əsas üstünlüyü yanacağın daha təmiz olmasıdır. Uzunmüddətli və sabit enerji ehtiyacı olan yerlərdə sərfəli ola bilər. Amma qaz təchizatı sabit deyilsə və ya xətt yoxdursa, əlavə infrastruktur tələb olunur. Bu da ilkin xərci artırır. İnverter generatorlar daha sabit və təmiz elektrik cərəyanı verir. Bu, həssas elektronika üçün lazımdır. Kompüter, tibbi cihaz və ya ölçü avadanlığı kimi qurğular üçün gərginliyin dalğalanmaması əhəmiyyətlidir.

Generator qiymətləri və satışı

Generator seçərkən texniki məlumatın açıq təqdim olunması vacibdir. GENERATORLAR.AZ saytında müxtəlif güc kateqoriyalarında modellər yer alır. Ev üçün nəzərdə tutulan kompakt variantlardan sənaye tipli sistemlərə qədər seçim imkanı var.Hər model üzrə güc göstəricisi, yanacaq növü və əsas texniki xüsusiyyətlər qeyd olunur. Bu məlumatlar müqayisə aparmağa kömək edir. Seçim prosesində əsas üstünlük odur ki, müxtəlif variantları bir yerdə görmək mümkündür.
Generator qiymətinə bir neçə əsas amil təsir edir. Yanacaq növü də fərq yaradır. Dizel modellər adətən daha bahalı olur. Amma uzunmüddətli istifadədə sərfiyyat baxımından daha qənaətli sayılır. Benzin modellər isə daha əlçatan qiymətlə təklif olunur, böyük yüklər üçün uyğun deyil.

Generator seçərkən nələrə diqqət etməli?

Generator seçimi adətən elektrik kəsiləndən sonra gündəmə gəlir. Amma qərarı tələsik vermək düzgün olmur. Bütün cihazların ümumi gücünü toplamaq lazımdır. Xüsusilə mühərrikli avadanlıqlar işə düşərkən daha yüksək yük tələb edir. Bu məqam nəzərə alınmasa, generator tez-tez sönə və ya yüklənə bilər. Mühərrikin keyfiyyəti də önəmlidir. Generator uzun müddət işləyən mexaniki qurğudur. Ucuz və zəif materialdan yığılmış model ilk baxışda qənaət kimi görünə bilər. Amma tez-tez nasazlıq və əlavə xərc yarada bilər. Servis imkanlarını əvvəlcədən araşdırmaq da vacibdir.
Qiymətə görə seçim etmək təbiidir. Amma ən ucuz variant hər zaman uyğun olmur. Generator qısa müddətli məişət əşyası deyil. O, illərlə istifadə ediləcək avadanlıqdır.